తెలుగు భాష అభిమానం

తెలుగు భాష మీద అభిమానం రాష్త్రం దాటి బైటికి వెడితే మరింత పెరుగుతుంది. అది నా విషయంలో కూడా రుజువైంది. ఉద్యోగ రీత్యా ఢిల్లీలో పని చేస్తున్నప్పుడు, ఇండియా గేటు వద్ద ఉన్న పచ్హిక బయళ్ళలో కూర్చుని చలం రాసిన మ్యూజింగ్స్ చదువుతుంటే ఐన వాళ్ళందరికీ దూరంగా ఉన్నామనే భావన పూర్తిగా పోయేది. ఢిల్లీ లో ఉద్యోగం పుణ్యమాని తెలుగు సాహిత్యంతో కొంత ముఖ్యంగా చలంతో పరిచయం earpadindhi. ఆదివారం వస్తే చాలు, ఉదయాన్నే రూమ్ నుండి బయట పడి డిసెంబర్ మంచులో జేబులో చేతులు పెట్టుకొని వేడి వేడి అల్లం చాయ్ కోసం వెదుకుతూ వెళ్లి, మరుగుతున్న అల్లం చాయి ఉఫ్ఫ్ మని ఊదుతూ తాగుతున్నప్పుడు కలిగే ఆనందం మరిచి పోలేను. తెలుగు భాష అభిమానం పెరగాలంటే ప్రతి ఒక్కరిని ఒక్కసారైనా రాష్త్రం బయటకి పంపించాలని నా ఉద్దేశ్యం. ప్రతి ఒక్కరికి ఢిల్లీ నచ్చి తీరుతుంది. నాకు చాలా విధాలుగా హైదరాబాద్ కి ఢిల్లీ కి పోలికలు కనిపిస్తాయి. వాతావరణం, పురాతన కట్టడాలు అన్ని చాలా పోలికలు కలిగి ఉంటాయ్. హైదరాబద్లో కూడా ఇప్పుడు చక్కని తెలుగు మాటలడుతున్నారు. చారిమినర్ వెళ్ళిన కూడా మనకు ఒకప్పటిలా కాకుండా తెలుగు బాగానే వినపడుతోంది. ప్రస్తుతం హైదరాబాద్ లోనే పనిచేస్తున్నాను. ప్రస్తుతం పుస్తకాలనుండి ద్రుష్టి టీవీ వైపు మళ్ళింది. కారణం నా ఉద్యోగం అందులోనే కాబట్టి. మరి నా కార్యక్రమాల వివరాలు తరువాత చెపుతాను. ప్రస్తుతానికి ఉంటాను.